രചന നാരായണൻകുട്ടിയുടെ യൂണിഫോം ആയിരുന്നു സ്‌കൂളിൽ പഠിച്ചപ്പോൾ ഇട്ടിരുന്നത്, പാത്രം കഴുകിയാണ് ജീവിച്ചത്, സീമ ചേച്ചിയാണ് സ്ഥലം ഒക്കെ വാങ്ങി തന്നതും വീട് വച്ചതും കർട്ടൻ വരെ വാങ്ങി തന്നതും- മായ കൃഷ്ണ

in post

മിനി സ്ക്രീൻ പ്രേക്ഷകർക്ക് സുപരിചിതയായ അഭിനേത്രിയാണ് മായ കൃഷ്ണ. കോമഡി പ്രോഗ്രാമുകളിലും സ്റ്റേജ് ഷോസിലും സജീവ സാന്നിധ്യമായ മായക്ക് അടുത്തിടെയാണ് സ്വന്തമായി ഒരു വീടു വരെയുണ്ടായത്. ഒരു വീടെന്ന ആഗ്രഹം സഫലീകരിക്കാൻ മായയെ സഹായിച്ചത് നടി സീമ ജി നായരാണ്. ശ്രീവിജയ സീമ എന്നാണ് വീടിന് പേരിട്ടിരിക്കുന്നത്. സീമയോടുള്ള സ്നേഹം തെളിയുന്ന പേര്.

മുപ്പത്തിയഞ്ച് കൊല്ലമായിട്ടും വാടകയ്ക്ക് ആയിരുന്നു മായയുടെ താമസം. നടിയാകും മുമ്പ് വീട്ടുജോലിക്ക് നിൽക്കുകയായിരുന്നു. നാലാം ക്ലാസ് മുതൽ വീട്ടുജോലിക്ക് പോയിരുന്നു. അങ്ങനെയാണ് മായ പഠിച്ചതും ജീവിച്ചതും. ഐഡിയ സ്റ്റാർ സിംഗർ എന്ന പരിപാടിയിൽ ബാക്ക്ഗ്രൗണ്ട് ഡാൻസ് കളിച്ചുകൊണ്ടാണ് മായയുടെ ടെലിവിഷനിലെ തുടക്കം.പിന്നീട് കോമഡി സ്റ്റാർസിൽ എത്തി. എട്ടോളം സിനിമകളുടെയും ഭാഗമായി. ഇപ്പോളിതാ മായയുടെ അഭിമുഖമാണ് ശ്രദ്ധ നേടുന്നത്. ഇപ്പോളിതാ മായയുടെ അഭിമുഖമാണ് വൈറലാവുന്നത്.


ഞാൻ ഒരു ക്ലാസിക്കൽ ഡാൻസർ ആയിരുന്നു. സ്റ്റേജ് ഷോസിനുവേണ്ടി സിനിമാറ്റിക് ഡാൻസ് പഠിക്കാൻ ആലപ്പുഴയിൽ പോയി. അന്ന് അവിടുത്തെ മാസ്റ്റർ ആണ് പുതിയതായി തുടങ്ങുന്ന ഒരു ചാനലിൽ ഡാൻസിന്റെ റിയാലിറ്റി ഷോ വരും. കോമഡി സ്കിറ്റുകളുടെ ഇടയിൽ ഡാൻസ് വരും, പരിപാടി തുടങ്ങുമ്പോൾ ഡാൻസ് വരും എന്നൊക്കെ പറഞ്ഞ് ഇതിനൊക്കെ നമ്മളെ ആവശ്യം ഉണ്ടാവും എന്ന് പറഞ്ഞിട്ടാണ് ഡാൻസ് പഠിപ്പിച്ചു കൊണ്ടുപോകുന്നത്. അന്ന് സ്കിറ്റുകളിൽ ഒന്നും നിർത്തിയിരുന്നില്ല. ഡാൻസർ ആയിരുന്നല്ലോ അഭിനയിക്കാൻ ഒന്നും അറിയില്ലായിരുന്നു.

ഉർവശി ചേച്ചി, പക്രു ചേട്ടൻ ഡയറക്ടർ സിദ്ധിഖ് സാർ ഒക്കെ ആയിരുന്നു അവിടെ ജഡ്ജസ്. ഡാൻസുമായി മുന്നോട്ട് പോകുന്ന സമയത്താണ് ഒരു സ്കിറ്റിൽ നല്ല ഹൈറ്റും വെയിറ്റും ഉള്ള ഒരു കുട്ടി വേണമായിരുന്നു. അവർ വിളിച്ച ആർട്ടിസ്റ്റ് വന്നില്ല. ഡാൻസ് കുട്ടികളിൽ ഞാൻ മാത്രമായിരുന്നു നല്ല ഹൈറ്റും വെയിറ്റും ഉള്ള ആൾ. നല്ല വണ്ണം ആയിരുന്നു ആ സമയത്ത്. എനിക്ക് തൈറോയിഡ് ഉണ്ടായിരുന്നു. അതിന്റെ പ്രശ്‍നം ആയിരുന്നു. പക്ഷെ അത് എനിക്ക് അറിയില്ലായിരുന്നു. ഞാൻ കരുതിയത് ഞാൻ ഫുഡ് കഴിച്ചിട്ട് വണ്ണം വയ്ക്കുന്നത് ആണെന്ന് ആയിരുന്നു.

ഡാൻസ് ചെയ്യുമായിരുന്നു അപ്പോഴും. ഡയറ്റ് ഒന്നുമില്ല അന്ന്. സ്റ്റേജ് ഷോ കഴിഞ്ഞ് വരുമ്പോൾ രാത്രിയൊക്കെ എന്ത് കിട്ടിയാലും കഴിക്കും. ഭയങ്കര കളറും കുറവായിരുന്നു. അതുകൊണ്ട് എന്നെ സ്കിറ്റിൽ ഒക്കെ നിർത്താൻ എല്ലാവർക്കും മടിയായിരുന്നു. ഇപ്പൊ അങ്ങിനെ അല്ല അന്ന് കളർ ഉള്ളവർക്ക് ആയിരുന്നു മുൻഗണന. നസീർ സംക്രാന്തി ഇക്കയാണ് ആദ്യം ആയിട്ട് ലൈവിൽ ഒരു അവസരം തരുന്നത്. ഉർവശി ചേച്ചിയാണ് പറയുന്നത് അവൾ ചെയ്യുന്നുണ്ടല്ലോ അവളെ നിർത്താൻ. മോഡുലേഷൻ ഒക്കെ പഠിപ്പിച്ചു തന്നത് പ്രിയങ്ക ചേച്ചിയുടെ ഹസ്ബൻഡ് അനൂപേട്ടൻ ആണ്.

ALSO READ കടൽക്കരയിൽ ഹോട്ട് ലുക്കിൽ തിളങ്ങി ‘റിമ കലിങ്കൽ.. ‘ഇത് എന്താ കടലിലെ കൊഞ്ച് ആണോ എന്ന് ആരാധകർ ചിത്രങ്ങൾ വൈറൽ

ഇപ്പോൾ സൂര്യയിൽ കനൽപൂവ് എന്ന സീരിയൽ ആണ് ചെയ്യുന്നത്. കുറച്ചു സീരിയസ് ആയ കഥാപാത്രമാണ്. 28 വയസായ ചെക്കന്റെ അമ്മയാണ്. ആരോടും പറയാത്ത രഹസ്യം എന്റെ പ്രാരാബ്ധങ്ങൾ ആയിരുന്നു. ചെറുപ്പത്തിൽ ഞാൻ വളർന്നത് എങ്ങിനെ ആണെന്നോ എന്റെ സാഹചര്യമോ ഞാൻ ആരോടും പറഞ്ഞിട്ടില്ല. ഇപ്പൊ വീട് ഒക്കെ ആയ ശേഷമാണ് നമ്മുടെ ബാക്ക്ഗ്രൗണ്ട് എല്ലാവരും അന്വേഷിച്ചത്. എനിക്ക് ബുദ്ധി വയ്ക്കുമ്പോ ഞാൻ കാണുന്നത് അമ്മ വല്ലവരുടെയും പാത്രം കഴുകുന്നത് ആണ്.

കിടക്കാൻ സ്ഥലമില്ലാതെ വാടക കൊടുക്കാൻ ഇല്ലാതെയൊക്കെ ഒരുപാട് കഷ്ടപ്പെട്ടു. ഇതൊന്നും ദാരിദ്ര്യം പറയുന്നത് അല്ല. നമ്മുടെ ഡ്രസ്സ് ഇട്ടു വയ്ക്കാൻ വരെ സ്വന്തമായിട്ട് ഒരു പെട്ടി ഉണ്ടായിരുന്നില്ല. ചാക്കിലാണ് ഇട്ടു വച്ചിരുന്നത്. ജോലി ചെയ്യുന്ന വീട്ടിലെ ആൾക്കാരുടെ മക്കൾ ഒക്കെ ഇട്ട ഡ്രെസ്സുകൾ എനിക്ക് തരുന്നതാണ്. രചന നാരായണൻകുട്ടിയുടെ യൂണിഫോം ആയിരുന്നു സ്‌കൂളിൽ പഠിച്ചപ്പോൾ ഞാൻ ഇട്ടിരുന്നത്. അന്ന് ടീച്ചർമാർ പറയാതെ വാങ്ങി തരും പഴയത് അവരുടെ കയ്യിൽ നിന്നും.

ചേച്ചി ഇപ്പോഴാണ് അറിഞ്ഞത്‌ അത് എനിക്ക് ആണ് തന്നിരുന്നത് എന്ന്. അറിഞ്ഞപ്പോൾ ചേച്ചിയ്ക്കും ഭയങ്കര സങ്കടമായി. ഞാൻ ഒരു വീട്ടിൽ നിൽക്കുവായിരുന്നു. ഒരു മുത്തശ്ശിയെ നോക്കാൻ. അവർക്ക് അൽഷിമേഴ്‌സ് ആയിരുന്നു. യൂറിൻ പോണത് ഒന്നും അവർക്ക് അറിയില്ല. ഞാൻ അവിടെയാണ് നിൽക്കുന്നത്. എന്റെ ജോലി ആണല്ലോ മുത്തശ്ശിയെ നോക്കുന്നത്. അതുകൊണ്ട് സ്‌കൂൾ വിട്ടാൽ വേറെ എവിടെയും പോകില്ല നേരെ അങ്ങോട്ടുവരും മുത്തശ്ശിയുടെ വീടിന്റെ ഓപ്പോസിറ്റുള്ള പ്രൈവറ്റ് കോളേജിൽ ആണ് പ്രൈവറ്റ് ആയിട്ട് പിന്നെ പഠിച്ചത്. മുത്തശ്ശി യൂറിൻ പോയിട്ട് കിടക്കുവാണോ എന്ന ചിന്ത ആയിരിക്കും എപ്പോഴും.

സീമ ചേച്ചിയുടെ അധ്വാനം കൊണ്ട് ഉണ്ടായത് ആണ് ഈ വീട്. ഇവിടെയുള്ള എല്ലാം ചേച്ചി വാങ്ങി തന്നത് ആണ്. എനിക്ക് സ്ഥലം ഒന്നും ഉണ്ടായിരുന്നില്ല. എനിക്ക് സ്വന്തം ആയിട്ടുണ്ടായിരുന്നത് അമ്മമാത്രമാണ്, അമ്മയ്ക്ക് ഞാനും. സീമ ചേച്ചിയാണ് സ്ഥലം ഒക്കെ വാങ്ങി തന്നതും വീട് വച്ചതും കർട്ടൻ വരെ ചേച്ചിയാണ് വാങ്ങി തന്നത്. എന്താ തിരിച്ചു കൊടുക്കുക ഇതിനു എന്നറിയില്ല. സീമ ചേച്ചിയും എന്റെ അടുത്ത കൂട്ടുകാരുമൊക്കെ ഫോണിൽ വിളിക്കുമ്പോൾ ഞാൻ ഇപ്പോൾ പറയും സ്വന്തം വീടുള്ള മായ ആണേ എന്ന്. ചേച്ചി ചോദിക്കും എങ്ങിനെ ഉണ്ടായി എന്ന് അപ്പോൾ ഞാൻ പറയും ചേച്ചി തന്നത് അല്ലേ എന്ന്

Leave a Reply

Your email address will not be published.

*