ശരീരത്തില്‍ തൊടാന്‍ പാടില്ലാത്തിടത്ത് തൊട്ടു, പരാതി പറഞ്ഞപ്പോള്‍ സ്റ്റണ്ട് മാസ്റ്റര്‍ കരണത്തടിച്ചു; അഭിനയം നിര്‍ത്തിയ കാരണം വെളിപ്പെടുത്തി നടി വിചിത്ര

in post

ബിഗ്ഗ് ബോസ് തമിഴ് സീസണ്‍ 7 ല്‍ ആണ് നടി വിചിത്രയുടെ ഞെട്ടിക്കുന്ന വെളിപ്പെടുത്തല്‍. ഒരു സൂപ്പര്‍ സ്റ്റാറിന്റെ സിനിമയില്‍ അഭിനയിക്കുന്നതിന് വേണ്ടി കേരളത്തില്‍ വന്നപ്പോഴാണ് ശാരീരികമായും മാനസികമായും പീഡനങ്ങള്‍ നേരിടേണ്ടി വന്നത്. ഒരുകാലത്ത് ഗ്ലാമര്‍ വേഷങ്ങളിലൂടെ ശ്രദ്ധിക്കപ്പെട്ട നടിയാണ് വിചിത്ര.

തൊണ്ണൂറുകളില്‍ തമിഴ് – തെലുങ്ക് – മലയാളം സിനിമകളില്‍ എല്ലാം വളരെ സജീവമായിരുന്ന നടി പെട്ടന്നാണ് അഭിനയം നിര്‍ത്തിയത്. അതിന്റെ കാരണം വര്‍ഷങ്ങള്‍ക്ക് ശേഷം വിചിത്ര വെളിപ്പെടുത്തി. തമിഴ് ബിഗ്ഗ് ബോസ് സീസണ്‍ 7 ലെ മത്സരാര്‍ത്ഥികളിലൊരാളായ വിചിത്ര ഷോയിലെ ഒരു ടാസ്‌കിന്റെ ഭാഗമായാണ് താന്‍ സിനിമ നിര്‍ത്താന്‍ ഇടയായ കാരണത്തെ കുറിച്ച്

പൊട്ടിക്കരഞ്ഞുകൊണ്ട് വെളിപ്പെടുത്തുകയായിരുന്നു. കേരളത്തില്‍ വച്ചായിരുന്നു സിനിമയുടെ ഷൂട്ടിങ്. ഒരു സ്റ്റണ്ട് സീക്വന്‍സ് ആണ് ത്രീകരിച്ചുകൊണ്ടിരിയ്ക്കുന്നത്. അന്‍പതിലധികം ജൂനിയര്‍ ആര്‍ട്ടിസ്റ്റുകള്‍ എല്ലാം ചേരുന്ന ഒരു കലാപ രംഗമാണ് ഷൂട്ട് ചെയ്തുകൊണ്ടിരുന്നത്. ഒരു ഗ്രാമത്തില്‍ നടക്കുന്ന കലാപമാണ്, അപ്പോള്‍ ആ കലാപത്തില്‍ ഗ്രാമവാസികള്‍ എല്ലാം ചുറ്റിലും പായുന്നതാണ് സീന്‍.

ഞാനും അങ്ങനെ ഓടുന്ന ഗ്രാമവാസികളില്‍ ഒരാളാണ്. അതിനിടയിലാണ് ജൂനിയര്‍ ആര്‍ട്ടിസ്റ്റ് ആയിട്ടുള്ള ഒരാള്‍ ശരീരത്തില്‍ തൊടാന്‍ പാടില്ലാത്ത ഇടത്ത് തൊട്ടത്. ആദ്യം തൊട്ടപ്പോള്‍, പലരും പല വഴി ഓടൂന്ന സീനല്ലേ, അറിയാതെയാവും എന്ന് കരുതി ഞാന്‍ കാര്യമാക്കി എടുത്തില്ല. രണ്ടാമതും അതാവര്‍ത്തിച്ചു. മൂന്നാമത്തെ തവണയും തൊട്ടപ്പോള്‍ കൈയ്യോടെ അയാളെ പിടികൂടി

സ്റ്റണ്ട് മാസ്റ്ററുടെ അടുത്തു പോയി. എന്നെ ഇയാള്‍ ശരീരികമായി ഉപദ്രവിച്ചെന്ന് പരാതി പറഞ്ഞപ്പോള്‍, എന്താണെന്നും ഏതാണെന്നും ചോദിക്കാതെ സ്റ്റണ്ട് മാസ്റ്റര്‍ എന്റെ കരണത്തടിച്ചു. എന്തിനാണ് എന്നെ തല്ലിയത് എന്ന് എനിക്ക് മനസ്സിലായില്ല. ഞാന്‍ ഒരുപാട് കരഞ്ഞു. ലൊക്കേഷനില്‍ വച്ച് എനിക്കുണ്ടായ മോശമായ അനുഭവം കണ്ട് സിനിമയുടെ സംവിധായകനോ

നടനോ ഒന്നും തന്നെ പ്രതികരിച്ചില്ല. പിന്നീട് ഞങ്ങള്‍ താമസിച്ചിരുന്ന ഹോട്ടലില്‍ ത്രി സ്റ്റാര്‍ അപ്‌ഗ്രേഡിങ് നടന്നിരുന്നു. അതിന്റെ ഭാഗമായി പാര്‍ട്ടി നടന്നിരുന്നു. അപ്പോഴാണ് ഞാന്‍ സിനിമയിലെ നായകനെ കാണുന്നത്. നിങ്ങള്‍ ഈ സിനിമയില്‍ അഭിനയിക്കുന്നുണ്ടോ എന്ന് എന്നോട് ചോദിച്ചു. അതേ എന്ന് പറഞ്ഞപ്പോള്‍ എന്റെ പേരോ മറ്റു കാര്യങ്ങളോ ഒന്നും തന്നെ ചോദിക്കാതെ,

നേരെ മുറിയിലേക്ക് വരൂ എന്നാണ് ആ സൂപ്പര്‍സ്റ്റാര്‍ ആയ നടന്‍ പറഞ്ഞത്. അത് എനിക്ക് ഭയങ്കര ഷോക്കിങ് ആയിരുന്നു. അതിന് ശേഷം എവിടെയും പോകാതെ മുറിയില്‍ തന്നെ ഇരിക്കാന്‍ തുടങ്ങി. ഷോട്ടിനായി പോകുമ്പോള്‍, ലൊക്കേഷനില്‍ നിന്ന് പല തരത്തിലുള്ള ദുരനുഭവങ്ങളും നേരിടേണ്ടി വന്നു. രാത്രി കാലങ്ങളില്‍ ആരൊക്കെയോ മദ്യപിച്ച് വന്ന്

എന്റെ മുറിയുടെ വാതില്‍ തട്ടാന്‍ തുടങ്ങി. എന്റെ അവസ്ഥ മനസ്സിലാക്കി താമസിക്കുന്ന ഹോട്ടലിലെ മാനേജരും, അവിടെയുള്ളവരും സഹായിച്ചു. ഓരോ ദിവസവും എനിക്ക് വേറെ വേറെ റൂം തന്നു, ഞാന്‍ ഏത് റൂമിലാണ് താമസിക്കുന്നത് എന്ന് സെറ്റില്‍ പിന്നെ ആര്‍ക്കും അറിയില്ലായിരുന്നു. അന്ന് എന്നെ സഹായിച്ച ഹോട്ടല്‍ മാനേജരാണ് ഇപ്പോള്‍ എന്റെ ഭര്‍ത്താവ് എന്നും വിചിത്ര പറഞ്ഞു.

ALSO READ പണക്കാരനായ രണ്ടാം കെട്ടുകാരനെ കല്യാണം കഴിച്ച യുവതിക്ക് സംഭവിച്ചത് കണ്ടോ. കരഞ്ഞു പോയി.

Leave a Reply

Your email address will not be published.

*