ഇന്റിമേറ്റ് സീനുകള്‍ ചെയ്യുന്നത് കണ്ടാല്‍ അവിടെ വന്ന് തല്ലും, ഓരോ തവണ ഇന്റിമേറ്റ് സീന്‍ ചെയ്യുമ്പോഴും വിനീതേട്ടനെ ഓര്‍മവരും; ശിവദ

in post

മലയാളി പ്രേക്ഷകര്‍ക്ക് ഏറെ പ്രിയപ്പെട്ട നടിയാണ് ശിവദ. ‘മഴ’ എന്ന മ്യൂസിക് ആല്‍ബത്തിലൂടെയാണ്, താരം അഭിനയ രംഗത്തേക്ക് കടന്നു വന്നത്. ‘എന്തോ മൊഴിയുവാന്‍ ഉണ്ടാകുമേ’ എന്ന് തുടങ്ങുന്ന ഈ ഗാനത്തിന് ഇപ്പോഴും ആസ്വാദകര്‍ ഏറെയാണ്. വിധു പ്രതാപ് പാടിയ ഈ ഗാനം, നടന്‍ വിനീത് കുമാറാണ് സംവിധാനം ചെയ്തത്. ഇപ്പോള്‍, ഒരു അഭിമുഖത്തില്‍ അക്കാലത്തെ ഓര്‍മ്മകള്‍ പങ്കുവെയ്ക്കുകയാണ് ശിവദ.

ശിവദയുടെ വാക്കുകള്‍ ഇങ്ങനെ;
‘വിനീത് കുമാര്‍ ആയിരുന്നു മഴ ആല്‍ബം സംവിധാനം ചെയ്തത്. അനീഷ് ഉപാസന വഴിയാണ് ഞാന്‍ വിനീതേട്ടനെ കാണുന്നത്. അന്ന് ഞാന്‍ വീഡിയോ ജോക്കി ആയിരുന്നു. എപ്പോഴും മനസ്സില്‍ നില്‍ക്കുന്ന കുറെ നല്ല അനുഭവങ്ങള്‍ അദ്ദേഹത്തിന്റെ ഒപ്പമുണ്ടായിട്ടുണ്ട്.

കാരണം, ആ സമയത്ത് ഇന്റിമേറ്റ് സീനൊക്കെ ചെയ്യാന്‍ എനിക്ക് ഭയങ്കര ഇന്‍ഹിബിഷന്‍ ആയിരുന്നു. അതില്‍ പ്രത്യേകിച്ച്‌ അങ്ങനെ ഒന്നും ഉണ്ടായിരുന്നില്ല. നോക്കുന്നതും കെട്ടിപിടിക്കുന്നതുമൊക്കെയേ ഉണ്ടായിരുന്നുള്ളൂ. ഇപ്പോഴാണെങ്കില്‍ ഞാന്‍ കൂളായിട്ട് ചെയ്യും.

അന്ന് അത് എങ്ങനെയാണ് ചെയ്യേണ്ടതെന്നും അറിയില്ല, എനിക്ക് ജാള്യതയായിരുന്നു. എനിക്കിപ്പോഴും കാണുമ്ബോള്‍, അയ്യേ ഇതെന്താ കാണിച്ചുവെച്ചിരിക്കുന്നതെന്ന് തോന്നാറുണ്ട്. അന്ന് വിനീതേട്ടന്‍ എന്നോട്
പറഞ്ഞ ഒരു കാര്യമുണ്ട്. ഇനി നീ എന്നെങ്കിലും സിനിമയില്‍ ഇന്റിമേറ്റ് സീനുകളൊക്കെ അഭിനയിക്കുന്നത്

കണ്ടുകഴിഞ്ഞാല്‍, ഞാന്‍ അവിടെ വന്ന് തല്ലുമെന്ന്. ഇത് ഇങ്ങനെയാണോ കാണിക്കുന്നത് എന്ന് ചോദിച്ച്‌, അന്ന് എന്നെ ഒരുപാട് കളിയാക്കിയിട്ടുണ്ട്. ഇപ്പോള്‍ ഞാന്‍ ഓരോ തവണ എന്തെങ്കിലും റൊമാന്റിക് സീന്‍ ചെയ്യുമ്ബോള്‍ എനിക്ക് വിനീതേട്ടനെ ഓര്‍മ വരും.’

ALSO READ എന്തൊരഴകാണ്… ബോൾഡ്... പ്രിയ വാര്യർ… സോഷ്യൽ മീഡിയയെ ചൂടുപിടിപ്പിച്ച് പുത്തൻ ഫോട്ടോഷൂട്ട്

Leave a Reply

Your email address will not be published.

*